ट्वाक्क-टुक्क

एउटा चाही चर्मचक्षु अर्को पर्यो ज्ञान
ज्ञान चक्षु खोल्नलाई गर्न पर्छ ध्यान
यसैलाई कसै-कसैले भन्ने गर्छन तपस्या
ध्यान केन्द्रित गर्न भने पर्छ ठूलो समस्या

म पनि भौतरिएर अलिक दिक्कै छु
के छ भनि सोध्दा चाही भन्छु ठिकै छु
जिन्दगीको बिस्तारै बिस्तारै खुइलिदै छ रङ्ग
आफन्तलाई फेसबुकमा भेटि म पनि हुन्छु दङ्ग

नैतिक दृष्टान्त

- कविशिरोमणि लेखनाथ पैाड्याल

कसैको लोकमा छैन, एकैनास समुन्नति
अरूको के कुरा हेर, सन्ध्यामा सूर्यको गति ।
छोटो बढेपछी भारी फूर्ति ढाँचा बढाउछ
उर्लदो खहरे हेर, कत्तिको गड्गडाउँछ ।
सानै देखि छुचो हुन्छ दुष्ट मानिसको मति
घोच्ने ती जंगली काँढा पहिले देखि नै तिखा कति ।
उपकारी गुणी व्यक्ति निहुरन्छ निरन्तर
फलेको  वृक्षको हाँगो नझुकेको कहाँ छ र ।